Tommaso Campanella, De sensu rerum, p. 69
motum et alterationem sensit docte. At nihil inde concludunt. Nam
sunt
in oculo tunicae transparentes, et aqueus et crystallinus humor
ad excipendam [excipiendam] lucem, specie tinctam. Sed haec species non informat
sentientem spiritum
prorsus, sed movet modo ad iudicandum
eius obiectum, unde reflectitur. Nec remanent
imagines in
spiritu, licet ipse, quia subtilis est, lucidusque, possit eas recipere,
sed
motus tantum; qui, quoniam cum imaginibus subierunt, efficiunt
imaginari,
ac somniare. Sed ex calore, et frigore, ex sono, et saporibus,
et odoribus, nulla
profecto imago in sensu recipitur. Imago autem
in visu per accidens sentitur, lux
vero per se, quae movet ut est affecta.
Nec incorporea sit potentia, ut corpora
recipiat, cum aër et
speculum corpora sint, eaque recipiant palam. Quomodo
autem
incoporeum [incorporeum] recipiat corpus inexcogitabile est: nec quia recipit
immaterialiter
corpora, sit immaterialis: nam et speculum et aër
immaterialiter
recipiunt imagines materialium.
Tandem patet error
offerentium
simulachra sensui, nil docentium quis ea producit, quomodo
veniant
et quis inserat potentiae: neque enim lapis mittens se sua forma
spoliat aut
imagine, nec superficiali simulachro, ut stulte Lucretius
opinatur. Nec multiplicativa vis in lapide est, ut in igne. Oportet
igitur ad
lucem tinctam recurrere coloribus: Et per coloratam lucem
nosse quantitatem
subiectam colori, et figuram et motum quanti,
dum aliis semper sitibus vario modo
ipsam repraesentat: quietam
vero, ubi similiter. Sed de his alibi.
Caput XVII.
In diversis sensoriis, non potentias
diversas informatrices,
sed unum eundem spiritum corporeum sentire et
conferre
obiecta, quia idem obambulat omnia organa:
et non dari sensum
communem, ut
Aristoteles scribit.
~ Redeuntes
autem ad Aristotelem , dicimus, diversitatem obiectorum
non
comprobare diversos sensus et sentientes
formas: Namque album nigrumque opponuntur
magis,
quam dulce et album: Haec enim simul manere possunt,
non autem illa:
Nihilominus sunt obiectum eiusdem visus. Indicant
quidem varias sentiendi vias
modosque: Quod enim per crassam corporis